ابيات الشعر

» (1) ارض الله الواسعه
يالله عفوك يوم تصفية الحساب
يوم الحصاد لما زرعنا في السنين
يوم الحشر قرب ولا معنا زهاب
اليوم في الدنيا وبكره راحلين
(ابن فطيس) ...

» (2) الرمل
الرمل قرطاسةٍ صفرا
ما عليها كتابه
كود أثار القدم يوم أنا أطابه
الشمس غضبا
والهجير عقرب السم
وانا تحت جلدي اتذرى به !
(بدر بن عبدالمحسن) ...

» (3) ضيعتني
ضيعتني بلا سبب وما قلتي لي
ذنبي أنا وانتي السماح
ادري الجراح ذنبي
ياللي الهوى عنده مزاح
وصار الثمن قلبي
(بدر بن عبدالمحسن) ...

» (4) خل الشبابيك
خل الشبابيك تحكي قصة اغيابك
من كثر مشكيلها و احضن ستايرها
باحت دموع الوله كله على حسابك
و انا انتظر طـلتك,,يالله تيسرها
(فيصل العطاوي)

» (5) ان عطيتك
أن عطيتك قد عقلك ما كبرت
وأن هويتك طرت فيني بالهوا
كنت فكره بس عمرك ما خطرت
وكنت شىء مأنت قد المستوا
لو أحاول ما أحاول ما قدرت
أني أجمع فكري وفكرك سوا!
(محمد الغرير) ...

» (6) أحبك
كن احبك لا سمعها بدون نفس
واحد صلّى ولكن ما خشع!
(فهد الغرير) ...

(7) خدود الرمل
ألآ يالله كان اللّي مضى لي يشبه المجهول
تيسِّر لي عدو ٍ ماعليه اشباه مضـنوني
(بدر بن عبدالمحسن) ...

» ( عروس الشمس
آه يالرياض ..
يا شذى ورد الفياض
الغرس .. وعذوق الرطب
السيف .. وعقال القصب
هذي الرياض .. حبيبتي
في جيدها الوادي زهى
وطويق يا سوار الذهب
ومرت سنين ومعها سنين
مرت وكنا صغيرين
نجمع سواليف وحطب
ونرمي حصى اسرارنا وسط القليب!
(بدر بن عبدالمحسن) ...







» (9) نجة الفضة
متى يا نجمة الفضة
حجبت الليل عن نُورك
متى قلت السما مّلت
جحٌودك ... نظرة غرورك
صحيح إني ... نسيت اليوم
نسيت اليوم ... لا أزورك
وأنا .. أنا اعرف النجوم تطيح
على دروب المدينة
إلى صرتي حزينة
(بدر بن عبدالمحسن) ...

» (10) في شي انكسر
الليله في شي انكسر او كل شي
الليله من حزن السفر مافيه ضي
مدري صحو مدري مطر
يبكي الحكي ويبكي النظر
ودعتك الله سافري وين ماتبين
الحب يكسر خاطري وهو حزين
(بدر بن عبدالمحسن) ...